Մարտի 8-ին ընդառաջ. 5 գրքեր կանացի ուժի ու պայքարի մասին…
04.03.2025
Կանայք եղել են մեր անցյալի և ներկայիս հաջողությունների հիմքում:
Կանանց մասին գրված գրքերը հաճախ միավորում են մի քանի կարևոր թեմաներ՝ անկախություն, պայքար, սեր և նոր հնարավորություններ: Այսպիսի գրքերը ոչ միայն ցույց են տալիս կանանց կյանքի տարբեր կողմերը, այլ նաև մերկացնում են հասարակության թերի կողմերն ու սահմանափակումները:
Books.am-ը ներկայացնում է 5 գիրք կանանց մասին, որոնք տարբեր կերպ լուսաբանում են կանանց կյանքի ու պայքարի թեմաները՝ առաջարկելով նոր տեսանկյուններ և լուծումներ։
Մեյ Մասկի «Женщина, у которой есть план» գիրքը պարզապես ինքնակենսագրություն չէ, այլ նաև ուղեցույց՝ այն կանանց համար, ովքեր ցանկանում են ավելի լավ ապրել, հաղթահարել դժվարությունները և գտնել իրենց ճանապարհը։
Մեյ Մասկն այս գիրքում շեշտում է, որ անկախ նրանից, թե ինչ դժվարություններ են հանդիպում կյանքում, կարևոր է մնալ ինքնուրույն և հավատալ սեփական ուժերին։
Մեյը երեք երեխաների մայր է, որոնցից Իլոն Մասկը հայտնի է ամբողջ աշխարհում։ Նա մանրամասնորեն նկարագրում է մայր լինելու իր փորձը՝ թե ինչպիսի մարտահրավերների ու դժվարությունների է հանդիպել, ինչպես է հասցրել համատեղել ընտանիքն ու մասնագիտական կարիերայի զարգացումը։
Այս գիրքը ինքնակենսագրական վեպ է, որտեղ հեղինակը խորապես ուսումնասիրում է մարդկային հոգեբանությունը, մարդկանց սոցիալական և մշակութային կյանքը, հատկապես կնոջ դերն այդ ամենի մեջ։
Գիրք, որտեղ Զապել Եսայանը քննադատում է հասարակական կարգերն ու բարձրացնում տարբեր սոցիալական հարցեր՝ կանանց դիրքը, ընտանեկան հարաբերությունները, ներքին հոգեկան պայքարը։
3. Էլիզաբեթ Գիլբերտ-«Ուտել, աղոթել, սիրել»
Այս գրքում հեղինակը պատմում է իր անձնական ճանապարհորդության մասին, որը սկսվում է ամուսնության փլուզումից հետո, երբ նա սկսում է փնտրել ինքն իրեն և նոր ուղղություն կյանքում։
Գրքի հիմնական թեմաներն են ինքնազարգացումը՝ թե անհատական, թե հոգևոր։ Էլիզաբեթը սովորում է, որ իսկական երջանկությունը գալիս է ոչ միայն արտաքին աշխարհից, այլ նաև ներքին հավասարակշռությունից և ինքն իրեն սիրելու ունակությունից։
Գիրք, որը կօգնի վերագտնել հավատը, հույսը, պայքարելու ոգին և կրկին սիրելու համարձակությունը։
Պատմություն, որն իրական օրինակով ցույց է տալիս, թե ինչպես է հնարավոր հաղթել մահվանը, կոտրել կարծրատիպեր, կրկին հավատալ սիրուն, հաջողությանը, հրաշքներին։ Հեղինակը փոխանցում է իր անձնական փորձառությունը, որը կարող է հուզել, ոգեշնչել և լավ օրինակ ծառայել։ Այս գիրքն այն մասին է, որ հնարավոր է հաջողության հասնել նաև երկրորդ փորձից, նույնիսկ եթե դա անհնարին է թվում։
Սիմոնա դե Բովուարիի գրական գլուխգործոցը, որտեղ նա բացահայտում է կնոջ աշխարհը, նրա տեղը և դերը հասարակության մեջ։
Ըստ նրա կնոջ կյանքը լի է սահմանափակումներով, բայց կա միայն մեկ ճանապարհ՝ փախչել այս պարտադրանքներից ու պայքարել հավասարության համար։
Բովուարիի այս աշխատությունը մերկացնում է կին-տղամարդ հարաբերությունների խորքը՝ ներկայացնելով սոցիալական արգելքները, որոնք ձևավորում են կնոջ դերերը։ Այն ոչ միայն փիլիսոփայական, այլև գրական մղում է տալիս կնոջ ազատագրությանն ու ինքնակատարելագործմանը։