«Գտի՛ր քո Իկիգայը» գիրքը ուղերձ է նրանց, ովքեր ձգտում են ոչ միայն ապրելու, այլեւ գիտակցելու սեփական կյանքի իմաստն ու առաքելությունը:
Գիրքը բաղկացած է երեք փոխլրացնող շերտերից.
1. ԳԻՏԱԿՑՈՒՄ. ծանոթացում հեղինակային ԿԵՆԺԱՀԵ փիլիսոփայությանը եւ նրա հիմնասյուներին: Դու կբացահայտես ճապոնական ԻԿԻԳԱՅ փիլիսոփայությունը, կսովորես այն կիրառել քո առօրյայում՝ մոտիվացիայից անցնելով կարգապահության:
2. ՈԳԵՇՆՉՈՒՄ. ավելի քան 800 մտածողների 2500 հատընտիր աֆորիզմներ: Սա պարզապես ընթերցանություն չէ, այլ՝ մտածողության փոխակերպում՝ Կյանքի, Երազանքի, Նպատակի, Ժամանակի, Աշխատանքի, Հաջողության ու Երջանկության կենսասյուների շուրջ:
3. ԳՈՐԾՈՂՈՒԹՅՈՒՆ. իկիգայ-պրակտիկումը` որպես գործողության մանիֆեստ: Աշխատարան, որտեղ տեսությունն ու ոգեշնչումը վերածվում են հստակ նպատակների, քայլերի եւ արդյունքների:
Սա գիրք է նրանց համար, ովքեր սիրում են հաղորդակից լինել հանճարեղ մտքերին, բայց նաեւ գիտեն, որ իսկական փոփոխությունը սկսվում է գործողությունից եւ պատասխանատվություն ստանձնելուց:

 Հաջողությունը պատահականություն չէ, այլ գիտակցված ընտրությունների եւ հետեւողական քայլերի արդյունք։ Եթե պատրաստ եք վերափոխելու Ձեր ներկան հանուն լուսավոր ապագայի, վերցրե՛ք պատասխանատվությունը Ձեր ձեռքը եւ առաջնորդվեք այս կանոններով.
Արժեւորե՛ք եւ իմաստավորե՛ք կյանքը. Ունեցե՛ք շատ երազանքներ
Սահմանե՛ք իրագործելի նպատակներ · Կառավարե՛ք ժամանակը
Աշխատե՛ք քրտնաջան ու արդյունավետ.Եղե՛ք հաջողակ ու երջանիկ