«Ոչ միայն անգլերենի քերականություն, այլև հմտավարժանք» ձեռնարկը նախատեսված է լեզվական որոշակի կարողություններ ունեցողների համար, ովքեր պատրաստվում են ընդունելության քննություն հանձնել անգլերենից կամ ձգտում են զարգացնել, համակարգել և հարստացնել տեսական և գործնական քերականության իրենց հմտությունները: Այն առաջարկվում է պատասխաններով և առանց պատասխանների երկու առանձին գրքով, ինչպես նաև՝ միայն պատասխանների գրքույկով:

   Ձեռնարկում մատչելի հայերենով ներկայացված են այն հիմնական քերականական կանոնները, որոնք անհրաժեշտ են անգլերենի լեզվական կառույցները ընկալելու համար: Յուրաքանչյուր կանոն ամրապնդվում է առաջադրանքներով՝ կազմված պարզից դեպի բարդ սկզբունքով, իսկ բառապաշարը՝ տարբեր բաժիններում կրկնության միջոցով յուրացնելու և աստիճանաբար ընդլայնելու: