Ֆենտեզի ժանրի պատմվածքների այս եռյակը՝ «Սանդարամետ», «Կաթիլի դատը», «Խնձորենին» հանդիսանում են մեր անցած պատմության, մեր ներկայի և մեր հերոսների ճակատագրերի արտապատկերումը երևակայական աշխարհում: «Սանդարամետ»-ը «Հայքի նոր լեգենդները» շարքից երկրորդ պատմվածքն է, որը Սանդարամետի ծնունդի մասին է: Առաջինը «Վերածնունդ» ֆենտեզի վեպն է, որտեղ հայ տղաների մի խումբ հանդիպում է Հայոց դիցարանի հերոսներին և գերբնական ուժ ստանում նրանցից: Վեպում արտապատկերված են Հայաստանի արդիական խնդիրները: Պայքարի կենտրոնում Հայկն է՝ թվացյալ սովորական դեռահասը, ով պատահաբար հանդիպում է հայկական դիցաբանության թաքնված աշխարհին ու նրա պաշտպաններին, ուժ է ստանում նրանցից և իր ուսերին է վերցնում պայքարն առաջնորդելու ծանրագույն բեռը: