Աշխատության մեջ հեղինակը փորձ է արել միանալ մեր այն մտավորականներին, որոնք ջանացել  ու ջանում են հայ ժողովրդի պատմության առաջին կեսը գիտական դաշտ վերադարձնել: Պատմություն, որի առաջին կեսը համառորեն ուրացված է, իսկ վերջին 300 տարին՝ բոլշևիկորեն խեղաթյուրված, հարմարեցված կախյալ ժողովուրդների համար անխուսափելի ստրկահաճ քաղաքական արտադրանքին՝ հանգուցային հարցերում զոհաբերելով իրական, պատմական ճշմարտություններ:

  Հեղինակի խնդիրն է՝ անշրջելի փաստարկումներով հիմնավորված, Աղվանից աշխարհ կոչվող երկրի դերակատար ժողովրդի հայտնաբերումը: Մեր պատմիչներն ու մտավորականները հարյուրավոր փաստարկումներով ցույց են տվել Աղվանից աշխարհի՝ հայի հայրենիք լինելը, հաստատել այն իրենց ներկայացրած գրավոր և քարեղեն ապացույցներով:

  Մենագրությունը կարող է օգտակար լինել պատմաբանների, հայագիտության, կովկասագիտության հարցերով զբաղվողների, հումանիտար հոսքերի ուսանողների, ասպիրանտների, այնպես էլ՝ լայն հասարակայնության համար: