Գիրքը ՀՀ ամենամեծ գրախանութների ցանցի՝ «Բուկինիստի» հիմնադիր-տնօրեն Խաչիկ Վարդանյանի կյանքի պատմությունն է, նրա՝ որպես գործարարի կայացման դժվարին ուղին: Մարդ, որն անցել է բազում փորձությունների ու խոչընդոտների միջով և չընկրկելով՝ կարողացել է փրկել մեր բոլորիս շատ սիրելի բուկինիստական գրախանութը՝ այսօր արդեն այն նորովի մատուցելով հանրությանը: Լինելով ուժեղ բնավորության տեր մարդ, մեծ հայրենասեր, գործի նվիրյալ և միևնույն ժամանակ խիստ համեստ անձնավորություն՝ Խաչիկ Վարդանյանը երբեք չի ցանկացել ի ցույց դնել իր արածի կարևորությունը: Նրա գործն է, որ խոսում է իր մասին: Ահա այս գրքի միջոցով է, որ մենք փորձում ենք լույս սփռել նրա արած ազգանվեր գործի վրա: Ինչպես «Բուկինիստի» կարգախոսն է՝ «Կարդա՛, փոխի՛ր աշխարհը», այնպես էլ Խաչիկ Վարդանյանն է մեզ սովորեցրել կարդալ և փոխել մեր փոքրիկ «աշխարհը» դեպի ամենայն լավն ու բարին: