Յուրաքանչյուր մարդ իր խոհերն ու ապրումները դրսևորում է առանձնահատուկ: Ստեղծագործոլը հատուկ է միայն քչերին, տաղանդավոր գործեր ստեղծելը՝ յուրահատուկներին, ընտրյալներին:

  Մարդիկ իրենց անցած ճանապարհները, կյանքի վայրիվերումները, ապրած և չապրած սերերը հանձնում են թղթին, սակայն դա լոկ արձանագրում չէ, այլ երազանքների, նվիրական զգացմունքների նվիրում է: Եվ եթե այն անցնում է ընթերցողին, հասնում նրա սրտին և դառնում նրա ինքնարտահայտումը նաև, ուրեմն բանաստեղծը հաջողել է:

   Այս բանաստեղծություններն հենց այդպիսին են: Այն դուրս է գալիս անձնական դաշտից, հուզում ընթերցողին՝ անկախ տարիքից, դավանանքից, ազգությունից: Այն ընդհանրապես մարդ էակի հոգու արտացոլանքն է, այստեղ ամեն մեկը գտնում է իրենը, տեսնում իր հոգին ու էությունը:

 Յուրաքանչյուր բանաստեղծության մեջ ես գտա ինձ. մի պատառիկ մանկությունից՝ երազներով ու ամենագեղեցիկ հուշերով թաթախուն, երիտասարդությունս գտա՝ երազանքներով ու լավագույնի սպասումներով:

  Կարծում եմ՝ գիրքը դուր կգա ընթերցողին և մեծ լսարան ձեռք կբերի: