Բոլորը գիտեն, որ բժիշկ Այբոլիտը առավոտից մինչև գիշեր բուժում է թռչուններին ու կենդանիներին, որոնք թռչում են ու գալիս նրա մոտ աշխարհի տարբեր ծայրերից: Նա ապրում է Պինդեմոնտե հեքիաթային քաղաքում՝ տաք ծովի ափին: Իսկ բժշկին օգնում են Կիկի բադը, Ավվա շունը, Խռա-Խռա խոզուկը, Կարուդո թութակը, Բումբա բուն և հարևանի երեխաները՝ Տանյան ու Վանյան:

Բժիշկը երբեք չի կարողանում հանգիստ ու խաղաղ ապրել իր փոքրիկ տնակում: Նրա հետ միշտ կատարվում են անհավատալի պատմություններ: Նա մարտնչում է ծովահենների հետ և նրանց մոտ գերի է ընկնում, փրկում է նավը կործանումից, շրջում աշխարհով մեկ...բայց ամենակարևորը՝ նա ամենուր իսկական ընկերներ է գտնում:

Այս գիրքը բժիշկ Այբոլիտի կյանքի առավել ամբողջական տարբերակն է, որը պատմել է Կ.Ի. Չուկովսկին: Չորս պատմություն գրավիչ (և վտանգավոր) արկածների մասին: