«Անոմալիա» վեպը պատմում է 2021թ․ ապրիլին Փարիզ-Նյու Յորք չվերթի ինքնաթիռներից մեկի հետ տեղի ունեցած մի արտասովոր իրադարձության մասին, որի արդյունքում հիմնովին փոխվում է ինքնաթիռի 243 ուղևորների կյանքը։ Վեպի 11 գլխավոր հերոսներն էլ համոզված են, որ վարում են սովորական մեկուսի կյանք և չեն էլ պատկերացնում, որ իրենց ամեն քայլը կարող է ազգային անվտանգության ծառայության աշխատակիցների ուշադրության կենտրոնում լինել։
Ուղևորների թվում են Բլեյքը՝ երկակի կյանք վարող մի խոհարար, որի երկրորդ մասնագիտությունը նույնպես կապված է դանակների հետ, Սլիմբոյը՝ նիգերիացի փոփ աստղ, որը հոգնել է կեղծիքի մեջ ապրելուց, Ջոաննան՝ խստաբարո մի սևամորթ իրավաբան, որը մշտապես պայքարում է սևամորթների և սպիտակամորթների հավասար իրավունքների համար, Վիկտոր Միզելը՝ ստեղծագործական ասպարեզում առանձնապես հաջողությունների չհասած մի գրող, որին այնուամենայնիվ հաջողվում է գրել այնպիսի վեպ, որը կհուզի ընթերցողներին, Դեյվիդ Մարքլը՝ ինքնաթիռի հրամանատարը, որից էլ կախված է ինքնաթիռի ուղևորների կյանքը և այլոք։
«Անոմալիա»-ն պոլիֆոնիկ վեպ է, որ կարող է ընթերցվել որպես դետեկտիվ վեպ, սոցիալական երգիծավեպ, հոգեբանական վեպ, սիրավեպ, փիլիսոփայական նկրտումներ ունեցող թրիլլեր և գիտաֆանտաստիկ վեպ, որը տնտղում է ֆիզիկայի, մաթեմատիկայի և տեխնոլոգիական առաջընթացի հնարավոր սահմանները։
Վեպը լի է բազմաթիվ գրական, մշակութային ու աստվածաշնչյան հղումներով, որոնք թույլ են տալիս այն դիտարկել և՛ որպես ժամանցային գրականություն, և՛ որպես ինտելեկտուալ ստեղծագործություն, որը մշտապես մտածելու տեղիք է տալիս։
Առանձնահատկություններ՝
• 2020 ին ստացել է ֆրանսիական ամենահեղինակավոր մրցանակներից՝ Գոնկուրյան Մեդիչի մարցանակ
• Ունի գիտաֆանտաստիկայի, թրիլլերի դետեկտիվի, փիլիսոփայական /և ոչ միայն/վեպի տարրեր
• Շոշափում է շատ արդիական խնդիրներ՝ էթիկական, սոցիալական, հոգեբանական, գենդերային, ռասսայական
• Արագ ընթերցվող, բայց նաև ինտելեկտուալ գիրք
• Գրքում կան պատմական հերոսներ, հղումներ հայտնի գրական երկերի, հումոր