Մենագրության մեջ սկզբնաղբյուրների և գրականության համակողմանի քննության ու վերլուծության արդյունքումներկայացվել են արևմտահայ քաղաքական, հասարակական և հոգևոր գործիչների հայացքները, կողմնորոշումները և դիրքորոշումները 1912-1923 թթ. Հայկական հարցի վերաբացման շրջանից մինչև Լոզանի խորհրդաժողովն ընկած ժամանակահատվածը: Հայկական ուժեղ և ազդեցիկ քաղաքական գործոնի ձևավորման հեռանկարը պահանջում է վերանայել և վերագնահատել հայ ժողովրդի անցած ուղու կարևոր ու բեկումնային իրադարձությունների նկատմամբ քաղաքական մտքի վերաբերմունքն ու գնահատականները: Այդ համատեքստում առանձնանում է հատկապես արևմտահայ քաղաքական մտքի լուսաբանումը, որն անմիջականորեն առնչվում է Հայկական հարցի, Հայոց ցեղասպանության և հարակից հիմնահարցերին, ուստի և կենտրոնական տեղ է գրավում հայկական պահանջատիրության շուրջ միասնական, համազգային մոտեցման և ծրագրի մշակման քաղաքականության մեջ: Մենագրությունը նախատեսված է պատմաբանների, քաղաքական, կուսակցական գործիչների և ընթերցող լայն հանրության համար: