Դանիել Քանեմանը ծագումով հրեա, իսրայելցի-ամերիկացի հոգեբան էր, Նոբելյան մրցանակակիր տնտեսագիտության բնագավառում: Քանեմանը Փրինսթընի համալսարանի հոգեբանության ֆակուլտետի ավագ գիտաշխատող էր և պրոֆեսորադասախոսական անձնակազմի պատվավոր անդամ, դասավանդել է նաև Բերքլիի, Բրիտանական Կոլումբիայի և Երուսաղեմի հրեական համալսարաններում։ Քանեմանը վարքաբանական տնտեսագիտության առաջամարտիկներից էր, որը մարտահրավեր էր նետում ավանդական տնտեսագիտության դրույթներին՝ բացահայտելով կոգնիտիվ աղճատումների դերը որոշումների կայացման ժամանակ։ 2002 թ. Քանեմանին շնորհվել է Նոբելյան մրցանակ հոգեբանական բացահայտումները տնտեսագիտության ոլորտ ներմուծելու համար։ 2011թ. լույս տեսած «Մտածողություն. Արագն ու Դանդաղը» բեսթսելերը ամփոփում է մարդկային որոշումների կայացման վերաբերյալ նրա բեկումնային հետազոտությունները։