Վեպի գլխավոր հերոսը՝ Հայկը, ընտրել է կյանքի մի ուղի, որտեղ հազվադեպ է հասկացված լինում: Նա պաշտում է իր երկիրը: Ունենալով հավատ Աստծո հանդեպ՝ փորձում է բացատրություններ գտնել ու համեմատականներ անցկացնել պատմության ընթացքում հայ ժողովրդին հանդիպած դրվագների և ներկա իրականության միջև: Իր ամենօրյա հիասթափությունների և խնդիրների մեջ գտնելով լուսավոր կետը՝ ապրում է սեփական կյանքը՝ առանց այլ մարդկանց կարծիքները կարևորելու և առանց նյութականանալու: Հայկի աննկուն բնավորությունն ու վեհ նպատակները նաև ազդեցություն են ունենում շրջապատի մարդկանց վրա: