Փարիզում գտնվող ռուս էմիգրանտը տառապում է՝ բարձր հոգևոր նկրտումների և ոչ պակաս ուժեղ ցածրարժեք ցանկությունների հետ հակասության մեջ լինելու, ինչպես նաև քաղաքացիական պատերազմի ընթացքում գործած միակ սպանության պատճառով: Անսպասելիորեն նա իմանում է, որ Ալեքսանդր Վոլֆ անունով սպանվածը ողջ է մնացել: Վեպի հերոսը սկսում է փնտրել Վոլֆին և մի շարք արտասովոր զուգադիպություններից հետո հանդիպում է նրան: «Ալեքսանդր Վոլֆի ուրվականը» սուր սյուժեով թրիլլեր ժանրի ռուսական լավագույն վեպերից է, բայց դրա արժանիքները ժանրի սահմաններից անդին են անցնում. Ալեքսանդր Վոլֆի հետ հանդիպումը էմիգրանտների մի ամբողջ սերնդի ճակատագրի մասին մտքերի պատկերավորումն է՝ նուրբ հեգնանքով և քնարականությամբ լեցուն, սկզբից մինչև վերջ ինքնակենսագրական: