Սույն աշխատության խնդրո առարկան Սրբալույս Մյուռոնն է՝ Հայաստանյայց եկեղեցու, թերևս, ամենից խորհրդավոր երևույթը՝ իր աստվածաբանական, ծիսական, պատմական և ազգային լուսաբանմամբ: Մենք ուսումնասիրել ենք թեմային առնչվող գրեթե բոլոր հնամենի ձեռագիր մատյաններն ու ուսումնասիրությունները: Առանձնահատուկ կերպով ուշադրություն ենք դարձրել Մյուռոնօրհնության ծիսակարգին, բաղադրությանն ու պատրաստման կերպին: Նախատեսված է Հայոց հոգեզմայլ ծեսն ուսումնասիրողների համար: