Կարեն Ղարսլյանի «Ոչ մի ուրիշ բառ»-ը հայկուների ժողովածու է, որը կոնցեպտուալ և կոնկրետ պոեզիայի խառնուրդ է: Գրքի ստեղծման հիմքում ընկած է զսպագրի (constrained writing) սկզբունքը. բոլոր հայկուները կազմված են բացառապես Եղիշե Չարենցի «Ես իմ անուշ Հայաստանի» բանաստեղծության մեջ գործածված բառերից և կետադրական նշաններից: Այս ժողովածուն զսպագրի սկզբունքով ու կոնկրետ պոեզիայի տարրերով ստեղծված՝ հեղինակի երրորդ կոնցեպտուլ գիրքն է (նախորդներն են՝ «Ռեժիմը խուճապի մեջ է» ողբերգակատակերգական պիեսը (2019) և «Ատերազմա» տպագրային վեպը (2016)):

«Ոչ մի ուրիշ բառ»-ը Կարեն Ղարսլյանի բանաստեղծությունների երրորդ հավաքածուն է (նախորդներն են՝ «Լեզվի ծայրին» բանաստեղծությունների ժողովածուն (2022) և «Գրողի ծոցը» տձև հայրենների ժողովածուն (2010)):