Մայիսի 31-ին Երևանում կանցկացվի «Մանկական և ընտանեկան փառատոն»
25.05.2026
Մայիսի 31-ին Երևանի կենտրոնում՝ Միսաք Մանուշյանի անվան պուրակում, կանցկացվի «Մանկական և ընտանեկան փառատոն»: Ժամը 11:00-ից մինչև 19:00-ն նախատեսված միջոցառումը խոստանում է դառնալ տոնական և բովանդակալից ժամանցի հարթակ ինչպես երեխաների, այնպես էլ ներկա ու ապագա ծնողների համար:
30% զեղչ՝ ցուցահանդես-տոնավաճառում
Փառատոնի շրջանակում կգործի հատուկ ցուցահանդես-տոնավաճառ, որտեղ ներկայացված կլինի մանկական և ընտանեկան ապրանքների լայն տեսականի: Ողջ օրվա ընթացքում ցուցադրված տեսականու համար կգործի հատուկ՝ 30% զեղչ:
Բաց քննարկումներ և մասնագիտական աջակցություն ծնողներին
Փառատոնը միայն ժամանցային բնույթ չի կրում. մեծ տեղ է հատկացված նաև կրթական ու հոգեբանական բաղադրիչին: Ներկա և ապագա ծնողների համար կազմակերպվելու են հանդիպում-քննարկումներ ոլորտի առաջատար մասնագետների հետ․
-
@parentingarmenia նախաձեռնության հոգեբանները կխոսեն ծնողավարությանը վերաբերող ամենակարևոր և արդիական թեմաների մասին, կպատասխանեն այցելուներին հուզող հարցերին և կփոխանցեն գործնական խորհուրդներ՝ ծնողական ուղին ավելի վստահ անցնելու համար:
-
@lavmama.app հարթակի փորձագետների հետ միասին կքննարկվեն մայրությանը, երեխայի խնամքին ու վաղ զարգացմանը վերաբերող առանցքային հարցեր: Սա մասնագիտական անվճար խորհրդատվություն և օգտակար գիտելիքներ ստանալու բացառիկ հարթակ է:
Տոնական մթնոլորտ և ստեղծագործական խաղեր
Ամբողջ օրվա ընթացքում պուրակում տիրելու է տոնական եռուզեռ. երեխաներին սպասվում են բազմաթիվ անակնկալներ, ինտերակտիվ խաղեր, ժամանցային ու ստեղծագործական հատուկ ծրագրեր:
Միջոցառման մուտքն ազատ է: