+ Ավելին
բաժին

Տարօրինակ ընկերություն, անսովոր նախասիրություն կամ 3 պատմություն Նիցշեի կյանքից

20.11.2019 Տարօրինակ ընկերություն, անսովոր նախասիրություն կամ 3 պատմություն Նիցշեի կյանքից

     Ֆրիդրիխ Նիցշե՝ 19-րդ դարի ամենահայտնի փիլիսոփաներից մեկը։ Նրա «Այսպես խոսեց զրադաշտը» ստեղծագործությունից մեջբերումներ են անում նույնիսկ այն մարդիկ, ովքեր ընդամենը լսել են այդ գրքի մասին։

   Չնայած նրան, որ մեծն փիլիսոփայի կյանքը այնքան էլ տարօրինակ չի եղել, ինչպիսին նրա ստեղծագործություններն են, մենք կարողացանք գտնել 3 պատմություն, որը կհետաքրքրի ձեզ։

   

   Նիցշեն 24 տարեկանում արդեն ձեռք է բերել պրոֆեսորի կոչում, իսկ 36 տարեկանում՝ գնացել թոշակի։

   1862 թ․-ին երիտասարդ փիլիսոփան ընդունվեց համալսարան, սակայն ուսանողական կյանքը հիասթափեցրեց նրան։ Իր տաղանդով նա կարողացավ զարմացնել շատ գիտնականների և արդեն 24 տարեկանում ձեռք բերեց պրոֆեսորի կոչում։ Եվրոպական կրթական համակարգի համար դա յուրօրինակ հաջողություն էր։ Ցավոք սրտի առողջությունը շատ շուտ երես թեքեց Նիցշեից։ 18 տարի շարունակ տանջող գլխացավերն ու անքնությունը հանգեցրին ողբերգական հետևանքների։ Չնայած նրան, որ հիվանդության և կուրության պատճառով նա 36 տարեկանում արդեն գնաց թոշակի, դա չխանգարեց նրա հետագա ստեղծագործական կյանքին։

   

   Նիցշեն կռվեց և դադարեց շփվել ընկերոջ հետ, քանի որ վերջինս ընդունել էր քրիստոնեությունը։

   Ֆրիդրիխ Նիցշեի և կոմպոզիտոր Ռիխարդ Վագների հարաբերությունները շատ տարօրինակ էին։ Բավականին երկար ժամանակ Նիցշեն հանրահայտ կոմպոզիտորի, կարելի է ասել, տան անդամն էր։ Նրանց միավորում էին շատ մտահղացումներ, սակայն 1872թ․-ից նրանց հարաբերությունները սկսեցին սառել։ Երիտասարդ փիլիսոփան չէր կարողանում ընդունել այն փոփոխությունները, որոնք նկատում էր ավագ ընկերոջ մեջ։ Նա ընդհանրապես հիասթափվեց Վագներից և դադարեց շփվել նրա հետ, երբ վերջինս ընդունեց քրիստոնեությունը։

 

   Նիցշեն երաժշտություն է գրել Ալեքսանդր Պուշկինի բանաստեղծության հիման վրա։

   Կարելի է ասել՝ Նիցշեն ինքն էլ վատ կոմպոզիտոր չէր։ Նա սկսել է երաժշտությամբ զբաղվել դեռևս 6 տարեկանում և 10 տարեկանում արդեն կարողանում էր փոքրիկ երաժշտական պիեսներ գրել։ Նա նույնիսկ երաժշտություն է գրել Պուշկինի «Заклинание» բանաստեղծության համար։

բաժին