Յուվալ Նոյ Հարարի. «21 դաս XXI դարի համար»
04.07.2020
Իսրայելացի պատմաբան և փիլիսոփա Յուվալ Նոյ Հարարին վերջին տարիներին համարվում է ամենից ազդեցիկ մտածողներից մեկը։ Նրա գրքերը՝ «Sapiens. մարդկության համառոտ պատմությունը» և «Homo Deus. վաղվա օրվա համառոտ պատմությունը» դարձան համաշխարհային բեսթսելերներ, թարգմանվեցին տասնյակ լեզուներով։ «Sapiens»-ը նվիրված է մարդկության անցյալի պատմությանը, թե ինչպես է էվոլուցիա ապրել մարդու արտաքինը, ինչպես տեղի ունեցավ աշխարհի բնակեցումը։ Երկրորդ գիրքը «Homo Deus»-ը վերաբերում է մարդկության ապագային, հեղինակը ուշադրությունը սևեռում է Աստված դառնալու մարդու ձգտման վրա։
2019 թ․ լույս տեսավ հեղինակի երրորդ գիրքը՝ «21 դաս XXI դարի համար»։ Հեղինակը նշում է, որ չնայած գրքի անվանմանը` չի ցանկանոմ խորհուրդներ տալ կամ սովորեցնել ինչպես ապրել։ Նա պարզապես ներկայացրել է այն ուժերը, որոնք ապագայում կարող են ներազդել ողջ մոլորակի վրա, ինչպես օրինակ կլիմայի փոփոխությունն է, և որոնք կարող է առաջացնել համաշխարհային ողբերգություն։
Հարարիի դասերը գրված են առաջին հերթին, որպեսզի ընթերցողին ստիպեն մտածել։ Գիրքը կազմվել է այն հարցերի պատասխանների հիման վրա, որոք տրվել էին հեղինակին և առանձի մասերով հրատարակվել էին։ ՀԵղինակը ամբողջացրել և ավելացրել է տեքտը՝ այն բաժանելով ըստ թեմաների՝ կրոն, քաղաքականություն, ժամանակակից տեխնոլոգիաներ։
Գլխավոր խնդիրը, որ հեղինակը դրել է իր արջև այն է՝ հասկանալ ինչ է կատարվում ժամանակակից աշխարհում և ինչպիսին կարող են լինել հետևանքները։
Ի դեպ, Յուվալ Նոյ Հարարիի «Sapiens. մարդկության համառոտ պատմություն» գիրքը թարգմանվել է հայերեն և հուլիսի 7-ից կարող եք գտնել Բուկինիստի բոլոր մասնաճյուղերում և Books.am կայքում
