+ Ավելին
բաժին

3 անհավատալի պատմություն Ագաթա Քրիստիի մասին

28.10.2019  3 անհավատալի պատմություն Ագաթա Քրիստիի մասին

Կյանք, որը նման է արկածային ֆիլմի սցենարի։ Մարդ, ով գրել է 16-ից ավելի վեպեր, ում գրքերը ամբողջ աշխարհում վաճառվել են ավելի քան 2 միլիարդ օրինակ։ Գրող, ում անունը գիտեն գրեթե բոլորը։ Այսօր կներկայացնենք ձեզ անհավանական 3 պատմություն դետեկտիվի թագուհի Ագաթա Քրիստիի մասին։

 

1․Ագաթա Քրիստիի մայրը դեռ մանկուց արգելում էր նրան գիրք կարդալ։

  Նա գտնում էր, որ իսկական լեդին պետք է տիրապետի որևէ երաժշտական գործիքի, հաճախի վոկալի դասերի և պարտադիր պետք է իմանա գեղեցիկ պարել։ Իսկ ընթերցել նրան մինչև 8-10 տարեկան ընդհանրապես պետք չէ։ Ագաթան միանշանակ համաձայն չէր այդ կարծիքին և այդ պատճառով նա ստիպված էր միայնակ կարդալ սովորել։ Նա 4 տարեկանում արդեն կարողանում էր ինքնուրույն կարդալ։

 

 

2․ Արդյո՞ք նա բեմադրել է սեփական առևանգումը, թե՞ ոչ․․․

  1926թ․-ի վերջին Ագաթան անհետացավ՝ առանց հետք անգամ թողնելու։ Տարօրինակ կերպով դա համընկավ նույն ժամանակաշրջանի հետ, երբ վերջինիս ամուսինը ամուսնալուծվելու ցանկություն էր հայտնել ։ Գրողի մեքենան գտել էին գետի ափին, իրերը տեղում։ Անհետացել էր միայն Ագաթան։ Ամբողջ Անգլիան մասնակցում էր գրողի որոնումներին։ Նրա առևանգման մեջ մեղադրում էին ամուսնուն և վերջինիս սիրուհուն։ Սակայն 11 օր անց Ագաթային գտնում են ողջ և առողջ, բայց նա հրաժարվում է որևէ մեկնաբանություն տալ։ Սկսում են բամբասանքներ, որ Ագաթան ինքն է կազմակերպել այդ ամենը, որպեսզի պատժի դավաճան ամուսնուն։

 

 

3․ Նա շատ լավ գլուխ էր հանում թույներից։

   Այս անսովոր նախասիրությունը գրողի մոտ առաջացել է դեռ 1-ին համաշխարհային պատերազմի տարիներին, երբ նա դարձել էր կամավոր բուժքույր։ Նա շատ ավելի լավ էր հասկանում թույներից, քան շատ մասնագետներ։ Դրա մասին են վկայում նաև նրա ստեղծագործություններում թունավորման 83 դեպքերի նկարագրությունը, որոնցից ոչ մեկը նման չէ մյուսին։

բաժին