+ Ավելին
բաժին

ՀՀ վաստակավոր նկարիչ Վլադիմիր Աբրահամյան

20.11.2017 ՀՀ վաստակավոր նկարիչ Վլադիմիր Աբրահամյան

 ՀՀ վաստակավոր նկարիչ Վլադիմիր Աբրահամյանն այն գեղանկարիչներից մեկն է, ում ստեղծագործությունները ինքնատիպությամբ և‎ գույների յուրօրինակ զգացողությամբ առաջին իսկ հայացքից գրավում են արվեստասերների ուշադրությունը: Գուցե այդ է պատճառը, որ շատ կարճ ժամանակահատվածում նա կարողացավ արժանանալ արվեստաբանների ուշադրությանն ու դրական արձագանքին: Գեղանկարչի գունաշխարհի հերոսը մարդն է՝ իր ուրույն ապրումներով ու որոշակի հույզերով, որպես բնության անբաժանելի մի մասնիկ:

Հեղինակն առաջին անգամ հրատարակել է «Հուշապատում» պատկերագիրքը, որը լույս է տեսել ՀՀ մշակույթի նախարարության մասնակի ֆինանսավորմամբ։ Սա Վլադիմիր Աբրահամյանի ստեղծագործությունների ընդգրկուն պատկերագիրքն է՝ նվիրված 1949 թ-ին բռնադատված (1991թ -ին արդարացված) հոր՝ Սմբատ Աբրահամյանի և 6 երախաներին միայնակ մեծացրած մոր՝ Սիրանույշ Աբրահամյանի հիշատակին։

Նկարչի բազմաժանր ստեղծագործությունները, մյուս հեղինակների հետ միասին, համառոտ ներկայացվել են տարբեր գրքերում։ Այս պատկերագրքում ներկայացված են Վլադիմիր Աբրահամյան նկարչի ներկապնակի ամենավառ գույները, ընդգրկված են նրա յուրօրինակ  ստեղծագործության լավագույն կտավները։ 76-ամյա նկարիչը այսօր էլ ստեղծագործում և իր հարուստ փորձն է փոխանցում երիտասարդներին։

Կենսագրական տվյալներ․

Վլադիմիր Աբրահամյան

1941թ -Ծնվել է Կոտայքի մարզի Բջնի գյուղում

1966 թ- ավարտել է Փ Թերլեմեզյանի անվան գեղարվեստի ուսումնարանը

1971թ- ավարտել է Երևանի գեղարվեստա-թատերական ինստիտուտը

Աշխատել է.

1973-1976 թթ- Երևանի գեղարվեստա-թատերական ինստիտուտում` դասախոս

1980-1991 թթ- Հեռուստառադիոպետկոմի գրական - գեղարվեստական հաղորդումների խմբագրությունում` որպես բեմադրող նկարիչ

1993-1995թթ- Գեղարվեստական խմբագիր՝ ՆԳ «02» շաբաթաթերթում

1995-1999թթ- Գեղարվեստական խմբագիր՝ «Արևիկ» հրատարակչությունում

1999-2014 թթ- Փ Թերլեմեզյանի անվան գեղարվեստի ուսումնարանում`դասախոս

2015 թ-ից  դասավանդում է Աբովյանի պետական քոլեջում

1975 թ-ից  Հայաստանի նկարիչների միության անդամ է

 

Ցուցահանդեսներ

1972 թ. -ից մասնակցում է մի շարք հանրապետական, համամիութենական և միջազգային ցուցահանդեսների.

1975թ.- Տյումենի երկրամաս 

1976թ.- Բուրիաթիա 

1979թ.- Արխանգելսկի երկրամաս 

1983թ.- Շվեդիա, Լեհաստան 

1986թ.- ԱՄՆ 

1991թ.- Ֆրանսիա 

2005 թ - Չինաստանում բացվել է առաջին անհատական ցուցահանդեսը

2011 թ- Երևանում բացվել է երկրորդ անհատական ցուցահանդեսը

 

Պարգևներ, մրցանակներ

2005 թ- պարգևատրվել է ՀՀ ԱԺ նախագահի շնորհակալագրով

2009 թ- պարգևատրվել է Երևանի քաղաքապետի պատվոգրով

2011 թ- պարգևատրվել է ՀՀ մշակույթի նախարարի պատվոգրով

2013 թ- արժանացել է ՀՀ վաստակավոր նկարչի կոչման 

բաժին