+ Ավելին
բաժին

Կէկրանավորվի Մարկ Արենի «Անատոլիական պատմությունը»

31.08.2017 Կէկրանավորվի Մարկ Արենի «Անատոլիական պատմությունը»

Էկրանավորվում է Մարկ Արենի ամենահայտնի և ամենապահանջված «Այնտեղ, որտեղ ծաղկում են վայրի վարդեր. անատոլիական պատմություն» գիրքը: Ֆիլմի ռեժիսորը Արտակ Իգիթյանն է: Գլխավոր դերերում են Ժերար Դարմոնն ու Սեմի Նասիրին, որոնց խաղընկերը հայազգի դերասանուհի Հերմինե Ստեփանյանն է: Կոմպոզիտորը Միշել Լեգրանն է:

 

Պատմության կենտրոնում հայ-թուրքական կոնֆլիկտն է, քաղաքականությունն ու սերը, անցյալի պատմությունն ու ներկան: Ստեղծագործությունն այն մասին է, թե ինչպես կարող է անցյալը հանկարծ ներխուժել ներկայիս կյանք: 

 

Գլխավոր հերոսն ազգությամբ թուրք Մուստաֆան է, որն իր ողջ կյանքը նվիրել է հարազատ երկրին՝ Թուրքիային: Կյանքի մայրամուտին ճակատագիրը խաչում է նրան անցյալի հետ, և Մուստաֆան ստիպված է լինում վերաիմաստավորել իր կյանքը: Ի՞նչ անել, երբ դու կարծում էիր, թե թուրք ես, սակայն ճանապարհի վերջում պարզ է դառնում, որ հայ ես, ով տուժել է թուրքերի պատճառով:

 

Գիրքը գալիս է ապացուցելու, որ եթե ազգայնամոլ թուրքի հոգում մի փոքր տեղ է գտնվել հայ մարդու համար, ապա բասկի հոգում կարող է հանգրվանել իսպանացին, պաղեստինցու հոգում՝ իսրայելցին...

 

 

    

 Պատվիրել 

բաժին