+ Ավելին
բաժին

Գրող, ում գրքերն այրում էին խարույկի վրա

26.01.2018 Գրող, ում գրքերն այրում էին խարույկի վրա

Ամերիկացի գրող-սատիրիկ Կուրթ Վոնեգութը համարվում է 20-րդ դարի ամենանշանավոր գրողներից մեկը: Նրա գործերը սատիրայի, սև հումորի և գիտական ֆանտաստիկայի հետաքրքիր միքս են: 2001-2003 թթ.-ին նա արժանացել է «Նյու Յորք նահանգի գրող» լինելու պատվին:
Books.am-ն առանձնացրել է 7 հետաքրքիր փաստ գրողի մասին, ում գրքերն այրում էին խարույկի վրա:

 

1. Կուրթ Վոնեգութի կյանքում 11 թիվը հատուկ նշանակություն ունի: 1922 թ. Նոյեմբերի 11-ին նա ծնվել է, 2007 թ.-ի ապրիլի 11-ին՝ մահացել: Իսկ 1947 թ. Մասյիսի 11-ին ծնվել է նրա որդին:

 

2. Վոնեգութը գերմանական ծագում ունի:

 

3. Վոնեգութի մայրը կյանքն ավարտել է ինքնասպանությամբ: Ընտանիքում ծանր սոցիալական դրություն էր, իսկ մոր մոտ հոգեկան շեղումներ էին: 1944 թ.-ին նա ինքնասպան եղավ: Այս հանգամանքը հետագայում շատ ազդեց գրողի հոգեբանական վիճակի և ստեղծագործությունների վրա:

4. Եթե Վոնեգութը չդառնար գրող, նա կլիներ վատ քիմիկոս: Գրողի հայրը համարում էր որդու գրական զբաղմունքը անպատվաբեր և ստիպել էր նրան ընդունվել Կորնելի համալսարանի քիմիայի ֆակուլտետը : Բայց դասընթացներին մասնակելու փոխարեն Կուրթը ժամանակն անցկացնում էր The Cornell Daily Sun ուսանողական ամսագրի խմբագրատանը:

 

5. Գերմանացի Վոնեգութը 2-րդ Աշխարհամարտի ժամանակ կռվում էր գերմանացիների դեմ և հրաշքով է ողջ մնացել գերության մեջ:

 

6. Կուրթ Վոնեգութը կարծում էր, որ Աստծո գոյության միակ ապացույցը երաժշտությունն է: Իր մահվանից մեկ տարի առաջ նա ինքնատիպ կտակ էր գրել թերթում. «Եթե ես մի օր, Աստված մի արասցե իհարկե, մեռնեմ, խնդրում եմ՝ իմ շիրմաքարին գրել. «Երաժշտությունը նրա համար միակ ապացույցն էր, որ Աստված գոյություն ունի»»:

 

7. Կուրթ Վոնեգութի գրքերն այրում էին խարույկի վրա: Նա գրել է 14 վեպ, բայց հենց «Մարտ համար հինգ» գործը ԱՄՆ-ում տեղ գտավ «վնասակար գրքերի» ցուցակում: Այն հանում էին գրադարաններից և այրում խարույկի վրա հենց քաղաքացիները: Սակայն ո՛չ սա, ու ո՛չ, նույնիսկ, Ջորջ Բուշի քննադատությունները չստիպեցին գրողին լռել: Նա այնքան հեղինակություն ուներ, որ կարող էր իրեն թույլ տալ բացահայտ կերպով կառավարության անդամներին անվանել հոգեկան հիվանդներ և «ի ծնե արատավոր արարածներ, որոնք խիղճ չունեն»:

բաժին