+ Ավելին
բաժին

Բուկինիստական մոտիվացիա

21.08.2017 Բուկինիստական մոտիվացիա

Books.am-շարունակում է բուկինիստական խորհուրդների իր շարքը: Վերցրու՛ մոտիվացիայի քո չափաբաժինն ու գնա՛ կարդալու:

 

1. Ընթերցանությունից առաջ 5 անգամ խորը շնչեք և արտաշնչեք: Այդպիսով դուք կկանգնեցնեք մտքերի հոսքն ու կկենտրոնանաք ընթերցանության վրա:

 

2. Ասացեք «ո՛չ» շեղող հանգամանքներին: Եթե Ձեզ հարկավոր է կենտրոնանալ՝ չեզոքացրեք խանգարող բոլոր բաները. անջատեք հեռուստացույցը, հեռախոսն ու ինտերնետը: Թող ողջ աշխարհը սպասի, երբ Դուք զբաղված եք կարևոր գործով:

 

3. Ցանակցած գիրք կարդալ սկսելուց առաջ հստակ նպատակ ունեցեք: Ինչու՞ եմ ես կարդում այս գիրքը: Ի՞նչ ինֆորմացիա եմ ես ցանկանում ստանալ դրանից: Ո՞ր ոլորտում եմ ես ուզում օգտագործել ստացած գիտելիքները: Երբ Դուք ունենաք կոնկրետ նպատակներ, հնարավոր կլինի կենտրոնանալ հետաքրքրող հարցերի վրա ու պահպանել ուշադրությունն ավելի երկար ժամանակ:

 

4. Վերաբերեք գրքին որպես իմաստուն ուսուցչի, որը միշտ չէ, որ ուղիղ կերպով է ասում, թե ինչ է պետք անել: Փնտրեք թաքնված իմաստ. դա կօգնի ուշադրությունը լարված պահել: Սրա շնորհիվ Դուք կկարողանաք ավելի շատ կարդալ և, որ ամենակարևորն է՝  ավելի գիտակցված:

 

5. Վերաբերեք գրքին այնպես, ասես նա Ձեր ընկերն է: «Բարև՛, ես գիտեմ, որ դու ինձ պատմելու շատ բան ունես՝ արի՛ ավելի լավ ճանաչենք միմյանց»: Հոգեբանական նման մոտեցումը կօգնի ընթերցանությունից մաքսիմալ հաճույք ստանալ: Գաղտնիք չէ, որ մեզ հաճույք պատճառող ցանկացած բանով ուզում ենք զբաղվել ավելի ու ավելի շատ:

 

6. Եթե նկատում եք, որ շեղվում եք, օգտագործեք 3 շնչի տեխնիկան՝ թոքերն օդով լցնելու համար: 3 անգամ շունչ քաշեք, այնուհետև կտրուկ արտաշնչեք, դադար վերցրեք ու կրկնեք կարդալու Ձեր նպատակը: Դուք կապահովեք թոքերը թթվածնով(3 շունչ), ածխաթթու գազով(դադար), կաշխուժանաք(կտրուկ արտաշունչ), կկենտրոնանաք(նպատակի կրկնություն):

 

7. Համոզվեք, որ Ձեր տեսողական դաշտում ոչինչ չի շարժվում: Մեր ուղեղում կա չգիտակցված ուշադրության ծրագիր: Եթե պատուհանի մոտով թռչուն անցնի, համոզված եղեք՝ Դուք կշեղեք ուշադրությունը: Դա այն պատճառով չէ, որ անուշադիր եք, ճիշտ հակառակը՝ դա տեղի է ունենում ուղեղի հիպերակտիվության պատճառով:

 

8. Կարդալուց առաջ ու դրա ընթացքում ջուր խմեք: Մասնագետները  հաստատել են, որ նրանց մոտ, ովքեր կարևոր խնդիրներ լուծելուց առաջ 2 բաժակ ջուր են խմում՝ ուղեղը 14%-ով ավելի արագ է աշխատում: Նույնիսկ ամենաաննշան ծարավն ազդում է ուղեղի աշխատունակության անկման վրա: Ընթերցանությունից առաջ, գոնե, մեկ բաժակ ջուր խմեք:

բաժին