+ Ավելին
բաժին

Գրքեր, որ շրջադարձային էին հայտնիների կյանքում

31.01.2018 Գրքեր, որ շրջադարձային էին հայտնիների կյանքում

Books.am-ը ներկայացնում է այն 5 գրքերը որոնք մեծ ազդեցություն են գործել և շրջադարձային են եղել հայտնիների կյանքում:

 

Ջոան Ռոուլինգ, «Էմմա» Ջեյն Օստին

Ջեյն Օստինը Ջոան Ռոուլինգի սիրելի գրողն է, իսկ «Էմմա»-ն ամենասիրելի վեպը: Ռոուլինգի վրա մեծ տպավորություն է գործել այն վարպետությունը, որով Օստինը նկարագրել է Ջեյնի և Ֆրենկի հարաբերությունների շուրջ եղած գաղտնիքը, որ լարվածության մեջ է պահում ընթերցողին ողջ ընթացքում:
Ջոանը խոստովանում է, որ ողջ կյանքում փորձում է ստեղծել նման ինտրիգ, սակայն դա նրան դեռևս չի հաջողվում անել:

 

Կուրտ Քոբեյն, «Օծանելիքը» Պատրիկ Զյուսքինդ

Շատերն են տպավորված Պատրիկ Զյուսքինդի «Օծանելիքը» գրքով, բայց քչերը կարող են առանձնացնել այն որպես ամենասիրելին: Կուրտ Քոբեյնն այդ եզակիներից է: Ըստ այդմ գիրքը նրա վրա այնքան էլ լավ ազդեցություն չի գործել:
«Ես կարդացել եմ «Օծանելիքը» ամենաքիչը 10 անգամ և չեմ կարողանում կանգ առնել: Այն ուղղակի բաց չի թողնում ինձ: Ես իպոխոնդրիկ եմ (իպոխոնդրիան մարդու կողմից սեփական առողջության նկատմամբ գերհոգատարությունն է: Իպոխոնդրիկ նևրոզի դեպքում մարդն ամեն օր ինքն իր մոտ նորանոր  հիվանդություններ է «բացահայտում» և այդ պատճառով է, որ այն ինձ վրա այդքան մեծ ազդեցություն է գործել:»,- ասել է Կուրտը հարցազրույցի ընթացքում՝ մահվանից ամիսներ առաջ:
Մերժված և միայնակ Ժան-Բատիստ Գրենույը ոչ ոքի մեջ չի գտնում սեր և հասկացվածություն, բայց պատրաստում է օծանելիք, որին հավասարը ողջ աշխարհում գոյթություն չունի: Շատերը զուգահեռներ են տեսնում այս պատմության և Քոբեյնի կյանքի  միջև:
Ի դեպ գրքի սյուժեն երգիչն օգտագործել է իր «Scentless Apprentice» երգի մեջ:

 

Գաբրիել Գարսիա Մարկես, «Կերպարանափոխություն» Ֆրանց Կաֆկա
 

Կարդալով Կաֆկայի «Կերպարանափոխություն» գիրքը՝ Մարկեսը հասկացավ, որ անպայման պետք է գրող դառնա: Որպես կանոն նա կարդում էր, որպեսզի քնի, սակայն սա այդ դեպքերից չէր: Գիրքը նրան այն աստիճան էր ցնցել, որ չկարողացավ քնել, իսկ լույսը բացվելուն պես սկսեց գրել:
Հենց ինքը՝ Մարկեսը շատ լավ պատմում էր այդ մասին. «Կաֆկայի «Կերպարանափոխությունը» հենց առաջին տողերից որոշեց իմ կյանքի նոր ուղին: Նոր օրն ինձ բռնացրեց գրամեքենայի առաջ, որի դիմաց նստել էի, որպեսզի փորձեմ նմանատիպ մի բան ստեղծել: Հետագա մի քանի օրերի ընթացքում ես համալսարան չէի գնում՝ վախենալով, որ ողջ կախարդանքը հօդս կցնդի: Նախանձը, որ արտահայտվում էր ճակատիս քրտինքի կաթիլներվ ողողում էր ողջ դեմքս»:

 

Մարկ Ցուկերբերգ, «Էնեական» Վերգիլիոս

Վերգիլիոսի «Էնեական»-ը Ցուկերբերգը կարդաց այն ժամանակ, երբ դպրոցում լատիներեն էր ուսումնասիրում: Գիրքը պատմում է լեգենդար տրոյացի հերոս Էնեասի մասին, որն իր ժողովրդի հետ միասին տեղափոխվեց Իտալիա և հիմնեց նոր քաղաք: Մարկը խոստովանում է, որ իրեն գրավել է հերոսի ցանկությունը կառուցել քաղաք, որը «ժամանակի և հրաշագեղության առումով ոչ մի սահման չի ճանաչում»: Գրքի հենց այս հատվածն է ազդել կյանքի նկատմամբ նրա հայացքների և նպատակների վրա:

 

Էռնեստ Հեմինգուեյ, «Պատերազմ և խաղաղություն» Լև Տոլստոյ

 Հեմինգուեյի վրա բոլոր կարդացած գրքերից(իսկ նա շատ է կարդացել) ամենամեծ ազդեցությունը գործել է Լև Տոլստոյի «Պատերազմ և խաղաղություն» գիրքը: Տոլստոյը հիացրել էր նրան իր անկեղծաությամբ և հասարակության բացերը ներկայացնելու սրությամբ: Իր բոլոր գործերում Հեմինգուեյը զբաղվում էր նույն բանով՝ նա անհանգստացած էր հասարակական խնդիրներով և փնտրում էր կյանքի իմաստը:
Էռնեստը, որ հաճախ համեմատում էր գրականությունը բռնցքամարտի հետ, այսպես էր խոսում Տոլստոյի մեծության մասին. «Ես շատ համեստ սկսեցի ու ջախջախեցի պարոն Տուրգենևին, հետո( դա մեծ ջանքեր պահանջեց) ջախջախեցի պարոն Մոպասանին: Պարոն Ստենդալի հետ երկու անգամ ոչ-ոքի ունեցա, բայց, կարծում եմ, վերջնական հաշվում հաղթեցի նրան միավորներով: Սակայն ոչինչ չի ստիպի ինձ մենամարտի դուրս գալ պարոն Տոլստոյի հետ»:

բաժին