+ Ավելին
բաժին

5 ԳԻՐՔ ԱՐԳԵԼՎԱԾ ՍԻՐՈ ՄԱՍԻՆ

17.06.2017 5 ԳԻՐՔ ԱՐԳԵԼՎԱԾ ՍԻՐՈ ՄԱՍԻՆ

Ներկայացնում ենք 5 գիրք, որոնք անտարբեր չեն թողնի ընթերցողին, այստեղ պատմվում է հերոսների զգացմունքների մասին՝ անկախ խանգարող հանգամանքներից:


 

 

Ուիլյամ Շեքսպիր  «Ռոմեո և Ջուլիետ»

Ռոմեոն և Ջուլիետը չպետք է սիրեին իրար, նրանց ընտանիքները հին թշնամիներ էին, և հանդիպելն անգամ արգելված էր: Բայց տարաբախտ սիրահարներն անկարող են իրարից բաժան ապրել և միանալու համար անում են ամեն բան…

«Ռոմեոն և Ջուլիետը» բազմիցս վերամշակվել է բեմի, ֆիլմի, մյուզիքլի և օպերայի համար։

 

 

 

 


 

 

 

Լև Տոլստոյ «Աննա Կարենինա»

Հանրահայտ վեպը պատմում է ամուսնացած արիստոկրատուհու և զինվորական սպա Ալեքսեյ Վրոնսկու ողբերգական սիրո մասին, մի սիրո, որը դատապարտում էր ողջ աշխարհը: Հեղինակը պատկերում է 19-րդ դարի երկրորդ կեսի մոսկովյան և պետերբուրգյան պալատական բարքերն ու ապրելակերպը, գյուղական կյանքի նկարագիրը, դրա կողքին՝ Աննայի տառապանքների ու ողբերգական մահվան պատկերը: Բազմիցս էկրանավորվել է իսկ գլխավոր հերոսուհին հակասական արձագանքների է արժանացել:

 

 

 


 

 

 

Վլադիմիր Նաբոկով «Լոլիտա»

Բոլոր ժամանակների ամենաաղմկահարույց գրքերից մեկը համարվող Վլադիմիր Նաբոկովի «Լոլիտան» ներկայացնում է անչափահաս աղջկա հանդեպ հասուն տղամարդու կրքի պատմությունը: Ի՞նչ է սա. արդեն տասնամյակներ շարունակ ջանում են հասկանալ գրականագետները. կլինիկական դեպքի նկարագրությու՞ն, մարտահրավեր կեղծ բարեպաշտությա՞նը, ֆրոյդիստական վարժանքնե՞ր գրականության ասպարեզում, երգիծական պատու՞մ, թե՞ տրտմաթախիծ գիրք մենության և սիրո մասին: Մի բան պարզ է, որ «Լոլիտա»-ի առեղծվածն անհնար է միանշանակորեն վերծանել:

 

 


 

 

 

Դեյվիդ Հերբերթ Լոուրենս «Լեդի Չաթըրլիի սիրեկանը»

Այս վեպն առաջին անգամ տպագրվեց Ֆլորենցիայում, մինչև 1960-ականներն արգելված էր համարվում Անգլիայում սեքսուալ հարաբերությունների բաց նկարագրությունների առկայության պատճառով:

Գրքի հերուսուհին՝ 22-ամյա Կոնստանց Ռեյդը՝ հայտնի արվեստագետի դուստրը, ամուսնանում է սըր Քլիֆորդ Չաթըրլիի հետ: Կես տարուց ամուսինը մեկնում է ռազմաճակատ, որտեղից վերադառնում է անդամալույծ: Մարմնի ստորին հատվածը կաթվածահար է:

Քլիֆորդը դառնում է շատ ամաչկոտ: Սկսում է պատմվածքներ գրել: Կոնստանցը շատ ծանր է տանում կիսաայրու իր վիճակը: Նրա տեսքը վատանում է: Հայրը խորհուրդ է տալիս դստերը սիրեկան գտնել...

 

 


 

 

 

Հարուկի Մուրակամի «Սահմանից հարավ, արևից արևմուտք»

Վեպը էքզիստենցիալ սիրո մասինէ, այն դարձել է ժամանակակից ճապոնական գրականության դասականներից.

25 տարի անց ջազ-բարի հաջողակ տնօրենի կյանք է վերադառնում նրա պատանեկության սերը, և գրեթե մոռացված կիրքը նորից է բորբոքվում: Սակայն մահվան ուրվականը հետևում է նրանց, և հանգամանքներն այնպես են դասավորվում, որ այդ սիրուն վիճակված չէր հարություն առնել:

 

 

բաժին